|
Kand ti mont labitation
Ramène brèd ensemb pimen
Si ti trouv in pié kan bonbon
Bone marmay i trouv sa lé bon
Kand ti mont labitaion
Pas in kou la kaz momon (dia li)
Tout la famille lé bien
Oh demin somanké mi vien
Ma ocup son karo flèr
Zanturium ek vétiver adann'
Zarboutan mon pied' ker (komm')
Komm' in tremblement d'ter
Mi mazyne son lorkidé
Kand nou té sa bat karé
Si rivag mon popièr
Na de lo i koul en rivière
I sort en lèr
I tombe à tèr
I sa la mer
Dan bras le ven
Dan l'océan
Mi rekoné pi son lodèr
Le temps i koul
Le temps i roul
Lé koum la houle
Dé foi li soul
Oh li mazyne demin plus que hier
Moin la mont labitation
Po mon brèd rk mon pimen
Moin la rod mon pié kan bonbon
Moin la trouv in karo béton
Moin la cour la kaz momon
Po nouri mon sentimen momon
Son kaz té fini loué
Propriété privé tèt
Moin la rat in lépisode
Dési péron mon palé (hum)
Mi sent pa le goût la mode
Sinon in goût pa asé
Okilé son karo flèr
Son coulèr ek son lodèr
Le vent la fyne porté
Son pétal la fané
Okosa i rét a moin
Kosa moin kapab doné
I rét a moin domin
Si persone la pokor volé
Auteur/ Compositeur:Frédéric JORON
|
