|
En 1914 tout le monde
Té i croit Père noël
Barachois lavé la sirène
Lété qui touche le ciel
Dès qui arrive midi
Voilà la sirène i commence siffler
Gramoune lavé la foi
Té qui dit marmaille
Allons dit chap'let
La fin des temps lé pas loin
Si la terre tout l'monde lé pas bien
Pou in p'tit ladi lafé
Tout d'suite désord' i vé péter
Marmaille zordi lé fûté
Zot na la langue délayé
Zot i mette partout la zizanie
Pou fé gaingn malheur zot famille
Zordi le monde nouveau
La mette tout l'monde dans la lumière
Père Noël prend la colère
Marmaille coméla la peur
Depu l'année 48 bon Dieu
L'après tape dessus nous
La fin des temps ça lé pas loin
Nous mêm' refléchit bien
La fin des temps ça lé pas loin
Alors moin mi dit à zot
Quand nana la guerre
Pas besoin la peur
Par ici nana la misère
Là-bas la maladie
Quand va 'rive pou fini
Nana longtemps ça lé prévu
Frère va bataille ensembe
Voilà qui commence la fin des temps
Ni pensera pi tout ça
Sinon na viv trop dans la crainte
Lé pas trop bon non plus
Trembe avant la fin
Déjà si ni connaît
Nous s'ra peut-êt' plus avancé
Pou aime à nous en frères
Pou évite tout ralé poussé...
Auteur / compositeur : Elie PITOU
|
