Azordi mo finn décidé pou mo alle navigué
Mo éna enn zoli bato, mo finn batise li zaviron
Mo dirize mo zaviron, ziska St Brandon
Mo tou sel lor mo bato, kouma enn gran capitaine

Apré St Brandon mo mett kap lor Agalega
Laba mo éna bann camoides pou alle dir enn bonzour
Dans zil kan pasé dir bonzour
Enn bonzour long sézour
Pena loin pou mo arrivé, fo pa ki mo alle dérivé

La vague la pé baté li apé monté
Sa pé fer mwa baskilé
Hé enn grand pa derrière, ti pa divan,
Mo pé gagne bann vibration
Mo mem pa bizin la mizik pou naviguer
Vague la ki amenn la kadance
Mo roulén mo roulé, roulé mon zaviron
Mo donn dé trois coutt lé rein
Enn ti pa derrière ti pa divan, vague la ki fer mwa danser
Gouvernail dan mo la mé mo pa largué, mo tiomboli seré

Kouma rente Agalega dialsa la pou koumansé
Bizin konn tir enn plan, pou alle visite bann zils acoté
Diégo, Chagos, Rodrigues, Seychelles, la Réunion
Mo bizin alle rann mwa konte si perna mo zanset laba

Et sa pou rekoumansé sa zafer la, ziska ki mo rente laba
Enn grand pa derrière, ti pa divan
Mo pou garde mem kadance
Mo roulé, roulé, roulé mo zaviron
Mo senti mwa pé floté, mo vente apé baloné

Auteur / Compositeur : Alain Permal

 Extrait de l'Album

Alain Permal
Nou Zile

Commander le CD sur Discoasis

Télécharger sur MusiquesDeLaReunion